Jimmy Kimmel u rikthye në ekran me një monolog të fuqishëm, i cili grumbulloi mbi 19 milionë shikime në YouTube vetëm në 24 orë, duke thyer të gjitha rekordet e mëparshme.
Shfaqja u ndoq drejtpërdrejt nga 6.26 milionë shikues, edhe pse nuk u transmetua në disa degë lokale të ABC-së, ku Nexstar dhe Sinclair presin ende miratimin për një bashkim prej 6.2 miliardë dollarësh.
Monologu trajtoi pezullimin e tij të përkohshëm nga ABC nën presionin e administratës Trump, komentet e tij mbi vdekjen e aktivistit Charlie Kirk dhe mbrojtjen e lirisë së fjalës.
Foto: YouTube
Kimmel e cilësoi pezullimin si “anti-amerikan” dhe u kujtoi shikuesve se nuk ishte qëllimi i shfaqjes, por e drejta për të pasur atë. Ai gjithashtu kërkoi të sqarojë se nuk kishte qëllim të nënvlerësonte askënd dhe i kuptonte ata që u ndjenë të lënduar nga komentet e tij.
Ky segment arriti shikueshmërinë më të lartë individuale, duke tejkaluar monologun e vitit 2017 për lindjen e djalit të tij me defekt në zemër (14 milionë shikime), reagimin ndaj Oscars 2022 (13 milionë), të shtënat masive në Las Vegas (10 milionë) dhe komentet për kandidaturën e Trump për rizgjedhje (9 milionë).
Vendimi i Disney për pezullimin shkaktoi debat dhe reagime të shumta publike, përfshirë protesta të yjeve të Hollivudit, avokatëve të lirisë së fjalës, konsumatorëve dhe disa figurave republikane si Ted Cruz.
Disney e ndryshoi qëndrimin pas “diskutimeve të kujdesshme me Jimmyn”, duke lejuar rikthimin e shfaqjes.
Pak orë para transmetimit, Donald Trump e kritikoi Kimmel në rrjetin Truth Social, duke e quajtur “prezantues të rremë” dhe duke kritikuar ABC-në për lejimin e rikthimit të tij në televizion.
– YouTube www.youtube.com
Shfaqja “Jimmy Kimmel Live!” rifillon transmetimin të mërkurën, por disa stacione lokale të Nexstar dhe Sinclair ende nuk do ta transmetojnë.
Monologu i tij i fundit provoi se audienca online është e jashtëzakonshme, duke arritur një shtrirje masive digjitale dhe duke vendosur një rekord të ri në historinë e shfaqjes. /Telegrafi/