Danimarka e pranon se Shtetet e Bashkuara kanë interesa sigurie në Arktik dhe është e gatshme t’i diskutojë këto me administratën e ardhshme të presidentit të zgjedhur Donald Trump.
Kështu tha të hënën ministri i Jashtëm danez Lars Lokke Rasmussen.
“Ne pajtohemi që amerikanët kanë shqetësime të caktuara për situatën e sigurisë në Arktik, të cilën e ndajmë dhe për këtë arsye në bashkëpunim të ngushtë me Grenlandën, jemi të gatshëm të vazhdojmë bisedimet me presidentin e ardhshëm të SHBA-së, për të siguruar interesat legjitime amerikane”, tha ai, raporton Reuters, transmeton Klankosova.tv.
Presidenti i zgjedhur amerikan, Donald Trump, ka ngritur polemika globale me deklaratat e tij të fundit për synimin e disa territoreve strategjike që, sipas tij, do të ndihmonin në forcimin ekonomik dhe gjeopolitik të Shteteve të Bashkuara.
Një ndër territoret që përmendet shpesh është Grenlanda, ku Trump ka kërcënuar me sanksione të rënda ndaj Danimarkës, nëse kjo e fundit refuzon shitjen e saj, njofton Klankosova.tv.
Madje, ai ka përmendur edhe përdorimin e forcës ushtarake si një mundësi për ta marrë territorin.
Trump trazon botën: ja plani i tij i ndryshimit të kufijve (VIDEO)
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
