Zëdhënësja e qeverisë izraelite, Shosh Bedrosian, ka dhënë një deklaratë lidhur me fatin e pengjeve.
Pas homazheve të bëra për ushtarët e IDF-së që janë vrarë në luftë, Bedrosian tha se pengjet do të lirohen “herët të hënën në mëngjes”.
“Presim që të 20 pengjet tona të gjalla të lirohen së bashku në të njëjtën kohë”, shtoi ajo.
Pengjet do të çohen më pas brenda pjesëve të Gazës që janë të kontrolluara nga Izraeli, përpara se të transferohen në Izraelin jugor, ku do të ribashkohen me familjet e tyre.
Bedrosian bëri të ditur se, “Izraeli është gati nëse një peng i gjallë kërkon ndonjë kujdes urgjent mjekësor, ai do të çohet menjëherë në një strukturë mjekësore”.
Për pengjet që u vranë gjatë robërisë, ajo tha se “i gjithë kombi i Izraelit” do të sigurojë varrime të duhura sipas traditës hebraike.
Sinjali – aty ku e vërteta flet para lajmit!