Italia konfirmoi të martën pjesëmarrjen e saj në Bordin e Paqes për Gazën të Administratës së Trumpit si shtet vëzhgues, duke theksuar se do të ishte politikisht e pakuptueshme të mos përfshihej në këtë mekanizëm.
Gjatë një informimi në Parlament, ministri i Jashtëm, Antonio Tajani, kujtoi se Kushtetuta italiane e ndalon vendin të marrë pjesë si anëtare e plotë, por shtoi se një status vëzhgues është mënyra e ekuilibruar për të kontribuar në çarmatosjen dhe rindërtimin e Gazës. Ai e përshkroi këtë çështje si një prioritet të sigurisë kombëtare për Italinë dhe për rajonin mesdhetar.
Tajani shtoi se kushdo që mendon se ekziston një alternativë ndaj planit të presidentit të SHBA-së, Donald Trump, për Gazën, “nuk merret me realitetin”.
Takimi inaugurues i Bordit të Paqes është planifikuar të enjten në Uashington, dhe pjesë e këtij bordi është edhe Kosova.
Sinjali – aty ku e vërteta flet para lajmit!
