Kandidati i Partisë Demokratike të Kosovës (PDK) për kryetar të Prishtinës, Uran Ismaili, ka shpalosur qëndrimet e tij për gjendjen aktuale në kryeqytet, duke theksuar nevojën për një qeverisje të re dhe efikase.
Në një intervistë në emisionin “Pressing”, Ismaili tha se synon ta “energjizojë” Prishtinën dhe se qyteti ka nevojë për shpresë, jo për demoralizim.
“Kemi nevojë me dalë nga ky kaos”, u shpreh ai, duke iu referuar problemeve të shumta në qeverisjen e tanishme. “Është nevoja me ja dhënë qytetarëve një qeverisje çfarë e meritojnë”, shtoi ai.
I pyetur për vizitat e tij të vazhdueshme në lagjet dhe rrugët e Prishtinës, Ismaili theksoi se tashmë nuk ka më nevojë të bujë si herën e kaluar.
“Kësaj here nuk kam nevojë me bujtë, herën e kalume kam deshtë me u mishëru më shumë me problemet e qytetit. Tash kam pas një kohë më të gjatë katër vite, me u përgatitë me zgjidhje më reale,” tha ai.
Ai nënvizoi se angazhimi për Prishtinën kërkon përkushtim të madh: “Për Prishtinën duhet me punu.”
Sinjali – aty ku e vërteta flet para lajmit!