Përshkallëzimi i konfliktit mes SHBA-ve, Izraelit dhe Iranit ka ngritur pikëpyetje serioze edhe për pjesëmarrjen e përfaqësueses iraniane në Botërorin 2026, me pasoja të mundshme të mëdha financiare për Teheranin zyrtar.
Shtetet e Bashkuara dhe Izraeli ndërmorën një operacion të madh luftarak ndaj Iranit në orët e para të së shtunës, pasi dështuan bisedimet mbi programin bërthamor të vendit të Gjirit. Mbrëmjen e së shtunës, udhëheqësi suprem i Iranit, Ali Khamenei, u vra në një sulm ajror mbi zyrën e tij në Teheran. Si kundërpërgjigje, Irani nisi sulme hakmarrëse ndaj bazave ushtarake amerikane dhe izraelite në rajonin perëndimor të Lindjes së Mesme.
Në këtë klimë tensioni, pas tre muajsh Irani pritet të udhëtojë drejt SHBA-ve për FIFA World Cup 2026, turne që organizohet nga Shtetet e Bashkuara, Kanadaja dhe Meksika. Skuadra e drejtuar nga Amir Ghalenoei është shortuar në Grupin G së bashku me Belgjikën, Egjiptin dhe Zelandën e Re.
Në rast se Irani tërhiqet ose merret vendim që nuk mund të garojë, rregullorja e FIFA parashikon që ai të zëvendësohet “me një alternativë të nominuar, shpesh nënkampionin direkt nga faza përkatëse ‘play-off’ ose skuadrën më të renditur që nuk është kualifikuar nga ajo konfederatë”.
Kjo nënkupton se vendi vakant mund t’i jepet Emirateve të Bashkuara Arabe ose Irakut, me Irakun që ka mposhtur Emiratet e Bashkuara Arabe për të arritur në ‘play-off’-et ndërkonfederative.
Sipas Associated Press, nëse Irani tërhiqet nga Botërori, ai do të humbasë të paktën 10.5 milionë dollarë, që konvertohen në rreth 9.7 milionë euro. Kjo shumë përfshin 9 milionë dollarë shpërblim për ekipet që nuk kalojnë fazën e grupeve (rreth 8.3 milionë euro) si dhe 1.5 milionë dollarë për mbulimin e kostove përgatitore (rreth 1.4 milionë euro).
Gjithashtu, mund të aplikohet një gjobë prej 321,000 dollarësh (rreth 295,000 euro) nëse Irani tërhiqet më pak se 30 ditë para fillimit të turneut. Kjo shumë dyfishohet në 642,000 dollarë (rreth 590,000 euro) nëse vendimi merret më shumë se 30 ditë para nisjes së kompeticionit.
Sinjali – aty ku e vërteta flet para lajmit!
