Në prag të ndeshjes kryesore të edicionit 2024/25, që kampioni i Italisë e zhvillon në Napoli, Inter ka uruar myslimanët për fillimin e muajit të Ramazanit.
“Nerazzurët” me anë të një adresimi në rrjetet sociale, kanë shprehur urata për dashuri e unitet, njofton Klankosova.tv.
“Ju urojmë një muaj të Ramazanit, të bekuar e të mbushur me dashuri, unitet dhe rritje shpirtërore. Urime Ramazani nga familja Inter”, shkruhet në postimin e “Zi-kaltërve”.
Inter është vetëm një nga shumë klube të mëdha evropiane, të cilët kanë futbollistë të të gjitha religjioneve.
Përndryshe, derbi me shije titulli kampion, nis nesër në orën 18:00 në “Stadio Diego Armando Maradona”, dhe transmetohet direkt në kanalin Sport 3 të platfromës kryesore shqiptare, ArtMotion!
The post Interi uron besimatarët myslimanë për muajin e Ramazanit appeared first on Klan Kosova.
