Një tjetër histori e jashtëzakonshme mbijetese ka dalë në dritë pas rrëzimit tragjik të avionit të Air India, fluturimi AI-171, në Ahmedabad, shkruan Gazeta Sinjali.
Përveç pasagjerit të vetëm që mbijetoi nga përplasja, një grua nga Londra, Bhoomi Chauhan, i shpëtoi fatkeqësisë thjesht sepse humbi fluturimin për 10 minuta.
Chauhan kishte udhëtuar në Indi për pushime dhe ishte nisur për në aeroport për të kapur fluturimin drejt Londrës, por trafiku e vonoi. Në një prononcim për Republic TV, ajo tregoi se si reagoi kur mori lajmin për rrëzimin:
“E humba fluturimin vetëm për 10 minuta. Trupi im ende dridhet. Jam e shkatërruar pas asaj që ndodhi.”
Ajo falënderoi hyjninë Ganpati Bappa për shpëtimin: “Mendoj se Ganpati Bappa më shpëtoi.”
Chauhan jeton në Londër me bashkëshortin dhe ende nuk po arrin të përpunojë ngjarjen: “Vetëm për shkak të atyre dhjetë minutave nuk arrita të hipja në fluturim. Nuk di si ta shpjegoj këtë.”
Sinjali – aty ku e vërteta flet para lajmit!
