Kreu i AAK-së, Ramush Haradinaj, ka kritikuar vendimin e ministres së Mjedisit dhe Planifikimit Hapësinor, Fitore Pacolli, për të ndaluar transportin e materialeve ndërtimore në Bjeshkët e Nemuna.
Ai e përshkruan këtë veprim si të shkëputur nga realiteti i qytetarëve, duke goditur familjet, fshatrat dhe ekonominë lokale.
Haradinaj thekson se Rugova dhe Bjeshkët e Nemuna nuk janë thjesht zona natyrore, por vendbanime me 13 fshatra ku njerëzit jetojnë dhe punojnë në kushte infrastrukturore të vështira.
Ai shton se vendime të tilla rrezikojnë zhvillimin e kësaj zone turistike dhe reflektojnë paaftësinë e qeverisë për të kuptuar nevojat reale të qytetarëve. /Klankosova.tv
