Një zyrtar i lartë i Hamasit i ka deklaruar BBC-së se grupi palestinez i armatosur pritet të refuzojë propozimin më të fundit të SHBA-së për një marrëveshje të re armëpushimi në Gaza dhe shkëmbim pengjesh me Izraelin, shkruan Gazeta Sinjali.
Sipas Shtëpisë së Bardhë, Izraeli tashmë e ka miratuar planin e të dërguarit amerikan Steve Witkoff dhe është në pritje të një përgjigjeje zyrtare nga ana e Hamasit. Detajet e raportuara nga mediat izraelite thonë se marrëveshja do të përfshinte dorëzimin e 10 pengjeve të gjalla dhe trupat e 18 pengjeve të vdekur, në këmbim të një armëpushimi 60-ditor dhe lirimit të të burgosurve palestinezë nga burgjet izraelite.
Megjithatë, zyrtari i Hamasit ka deklaruar se plani nuk plotëson kërkesat thelbësore të grupit, përfshirë përfundimin e plotë të luftës, dhe se përgjigjja zyrtare do të jepet në kohën e duhur.
Qeveria izraelite nuk ka komentuar publikisht, por sipas burimeve mediatike, kryeministri Benjamin Netanyahu u ka thënë familjeve të pengjeve se ai e ka pranuar planin e Witkoff.
Pas ndërprerjes së një armëpushimi dy-mujor të ndërmjetësuar nga SHBA-ja, Katari dhe Egjipti, Izraeli vendosi një bllokadë të plotë ndaj Gazës dhe rifilloi ofensivën ushtarake më 18 mars, me synimin për të ushtruar presion mbi Hamasin për lirimin e 58 pengjeve të mbetura, nga të cilët të paktën 20 besohet se janë ende gjallë.
Më 19 maj, ushtria izraelite nisi një ofensivë të zgjeruar, me qëllim që, sipas Netanyahu-t, të marrë kontrollin e plotë të Gazës. Një ditë më pas, ai deklaroi se do të lejohej një sasi minimale ushqimi në Gaza për të parandaluar një krizë urie.
Sipas Ministrisë së Shëndetësisë në Gaza, e drejtuar nga Hamasi, rreth 4,000 persona janë vrarë gjatë dhjetë javëve të fundit. OKB raportoi se 600,000 persona janë zhvendosur përsëri si pasojë e operacioneve tokësore dhe urdhrave për evakuim.
Një raport i IPC-së i mbështetur nga OKB-ja paralajmëron se rreth 500,000 njerëz në Gaza përballen me nivele katastrofike të urisë në muajt në vijim.
Sinjali – aty ku e vërteta flet para lajmit!
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
