Qytetari Agim Pllashniku ka ndërmarrë sot një aksion simbolik protestues ndaj deputetes së Lëvizjes Vetëvendosje, Fitore Pacolli, gjatë qëndrimit të saj në një kafene.
Pllashniku i dorëzoi deputetes një kupon fiskal nga i njëjti lokal, duke i kërkuar që ta paguajë atë, ndërsa e akuzoi për përvetësim të parave publike, duke e quajtur “hajdute” dhe duke iu referuar “milionave të vjedhura”.
“Përshëndetje deputete! Si je? Paguma këtë faturë. A të kujtohet kur thoshe ‘hajna’, pse nuk i fusni në burg?”, tha Pllashniku, duke vazhduar me akuza ndaj deputetes dhe bashkëpartiakëve të saj.
“Ti paguaje, e ju çka jeni? I keni vjedhur milionat, marre, marre këtë shtet po e vjedhni. Ti je ‘hajduke’, me Albinin, hajne, hajne”, u shpreh Pllashniku.
Pas reagimit të veteranit, deputetja Pacolli u ngrit në këmbë dhe i tha se nuk i frikësohet dhe se do të njoftojë policinë: “Nuk guxon të më prekësh”.
Vajza e Pllashnikut për Klankosova.tv ka pohuar se veterani është arrestuar nga Policia e Kosovës për shkak të këtij incidenti dhe aktualisht ndodhet në mbajtje.
Dje, deputeti i LDK-së, Paris Guri, ka pretenduar se Ministria e Kulturës, Rinisë dhe Sportit, e udhëhequr nga Hajrulla Çeku, i ka ndarë mbi 52 mijë euro burrit të deputetes së Vetëvendosjes, Fitore Pacolli.
“Burri i Fitore Pacollit i ka marrë 52 mijë euro prej ministrisë së Kulturës. Fitore kthej 252 mijë euro!”, ka shkruar ai.
Guri i ka kërkuar deputetes së VV-së, kthimin e 252 mijë eurove, pasi siç raportohet, përfitues të subvencioneve kanë qenë edhe vëllai e daja i saj. /Klankosova.tv
The post “Hajne, milionat i keni, marre”, qytetari proteston ndaj Fitore Pacollit (VIDEO) appeared first on Klan Kosova.
