Ftesave të njëpasnjëshme që i shkuan në adresë nga Prokuroria Speciale për të dëshmuar për rezervat shtetërore, nuk iu përgjigj asnjëherë pozitivisht.
Megjithatë disa muaj pas, kryeministrit në detyrë Albin Kurtit, diçka e tillë iu bë edhe publikisht, raporton Klan Kosova.
“Albin, dorëzohu në Prokurori” qe thirrja që u shkrua nëpër vende të ndryshme të kryeqytetit.
Këto grafite që ende nuk dihet kush e kur i realizoi, qytetarët thonë se janë të qëlluara.
Por për këto mesazhe me autorë anonimë, deputetja Fitore Pacolli që vjen nga partia e Albin Kurtit, e drejtoi gishtin kah Kryeprokurori i Prokurorisë Speciale, Blerim Isufaj.
Klan Kosova ka provuar ta kontaktojë edhe vetë Isufajn për këtë çështje, megjithatë kjo ka qenë e pamundur pasditen e së premtes.
Mirëpo, zëdhënësja e Prokurorisë Speciale, Nora Luta, tha se ky institucion nuk komenton deklarimet politike. /Klankosova.tv
The post Grafitet nëpër kryeqytet ftojnë Kurtin në prokurori (VIDEO) appeared first on Klan Kosova.