Gjuajte me armë në Prishtinë, Policia po heton rastin
Policia e Kosovës ka bërë të ditur se mbrëmë rreth orës 19:30 ka pasur gjuajte me armë në Prishtinë.
Enis Pllana, zyrtar për informim në Policinë e Kosovës për rajonin e Prishtinës tha për Telegrafin se ngjarja ka ndodhur në rrugën “Rinia” në Prishtinë.
“Mbrëmë rreth orës 19:30 është raportuar për një gjuajtje me armë zjarri në rrugën Rinia në Prishtinë. Menjëherë pas marrjes së informatës policia ka dalë në vendin e ngjarjes dhe ka nisur hetimet lidhur me rrethanat që karakterizojnë rastin”, theksoi Pllana.
Nuk raportohet për persona të lënduar. /Telegrafi/