I ftuar në Edicionin Special në Klan Kosova, njohësi i ekonomisë, Safet Gërxhaliu ka thënë se Qeveria aktuale po tenton t’i varfërojë qytetarët e Kosovës.
Ish kryetari i Odës Ekonomike tha se qasja e Ibrahim Devollit ka qenë vizionare për Kosovën.
“Më kujtohet kur jam kthyer në Kosovë, në vitet e pasluftës, takimet e para i kam pas me të ndjerin Ibrahim Devollin. Dhe qasja e tij ka qenë e orientuar në një esnafëri, i orientuar në zhvillim në sektor privat, në një tentativë që mirësjelljen dhe afinitetin e ta bartë të fëmija dhe të shkosh në vendin e tij dhe të sulmosh bijtë e tij vërtetë nuk e di a mund të quhet krenari apo çfarë një gjë e tillë”, tha Gërxhaliu.
Tutje, ai shtoi: “Siç duket në Kosovë ne të falim çdo gjë, por suksesin nuk ta falim asnjëherë . Nuk duhet të heshtet. Ne duhet të jemi zëri mbrojtës i Devollit, në qoftë se sot bëjmë për Devollin dhe për mbrojtjen e prodhimit vendor, bëjmë për ardhëmërinë e gjeneratave të reja”.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
