Samsung zyrtarisht konfirmoi se Galaxy Z Fold 7 ka thyer të gjitha rekordet e mëparshme në Shtetet e Bashkuara, duke fituar klientë madje edhe nga linja Galaxy S Ultra.
Të dhënat e para të shitjeve tregojnë se Galaxy Z Fold 7 është bërë telefoni me palosje më i kërkuar që kompania ka pasur ndonjëherë.
Në krahasim me gjeneratën e mëparshme, numri i porosive të kombinuara për Fold 7 dhe Flip 7 është rritur mbi 25 për qind, ndërsa porositë përmes operatorëve amerikanë janë rritur pothuajse 60 për qind.
Vetë Fold 7 në shitjet me pakicë ka arritur rezultate më të mira me 50 për qind krahasuar me Fold 6 në të njëjtën periudhë pas daljes në treg.
Është interesante që pothuajse 30 për qind e blerësve të Fold-it të ri vijnë pikërisht nga përdoruesit besnikë të modelit Galaxy S Ultra, ndërsa Flip 7 tërheq një numër të madh përdoruesish të rinj, duke përfshirë edhe ata që kalojnë nga marka të tjera.
Ky kombinim sjell një zgjerim të rëndësishëm të bazës së përdoruesve dhe për herë të parë bën që telefonat me palosje të bëhen pjesë e më të gjerë e tregut kryesor (mainstream).
Samsung pranon se Fold 7 po merr klientë nga linja Ultra, pasi shumë prej atyre që më parë do të zgjidhnin modelin më të fuqishëm Galaxy S tani po vendosin të kalojnë në modelin me palosje. Kjo tregon se telefonat me palosje më në fund kanë arritur pjekurinë dhe nuk janë më vetëm luks eksperimental, por njëkohësisht ngre pyetjen se si kompania do të ruajë rëndësinë e serisë tradicionale S.
Fold 7 është më i lehtë deri tani në formatin “book-style” (si libër), duke ruajtur harduerin nga klasa Ultra, përfshirë kamerën 200 MP, ndërsa sjell edhe Gorilla Glass Ceramic 2, hinge të përmirësuara dhe rezistencë IP48 ndaj ujit dhe pluhurit.
Samsung këtë vit hoqi mbështetjen për S Pen për të mbajtur dizajnin të hollë, por shtoi vegla të reja Galaxy AI, si funksionet Photo Assist dhe Transcript Assist, duke e bërë pajisjen një kombinim telefoni, tableti dhe mjeti për produktivitet në një.
Rritja më e madhe në shitjet e Fold 7 vjen pikërisht nga përdoruesit që deri tani kanë injoruar telefonat me palosje. Konstruksioni më i hollë, qëndrueshmëria më e madhe dhe veglat praktike të inteligjencës artificiale e kanë bërë këtë model të kalojë nga një kategori e ngushtë në një kategori shumë të pranuar, duke ndryshuar balancën e forcave në portofolin e Samsung. /Telegrafi/