Ka hyrë dita e tretë që po vazhdojnë kërkimet për trupin e pajetë të mërgimtarit 33-vjeçar, i cili dyshohet se është hedhur nga ura në Liqenin e Ujmanit dhe nuk ka dalë më nga uji.
Policia e Kosovës, ekipet e kërkim-shpëtimit dhe njësitet e zhytësve kanë qenë në terren gjatë gjithë kohës, por deri më tani nuk është arritur të gjendet trupi i tij, transmeton Klankosova.tv.
Sipas informatave që ka siguruar gazetari Urall Boshnjaku, i cili foli në emisionin “Ora 7” në Klan Kosova, me lejen e marrë nga KFOR-i, pritet që sot t’u bashkohet kërkimeve edhe Forca e Sigurisë së Kosovës (FSK), me qëllim të intensifikimit të operacionit për gjetjen e trupit.
Ndiqni detajet shtesë, në videon vijuese:
The post FSK-ja do i bashkohet kërkimeve për mërgimtarin që dyshohet se u mbyt në Ujman (VIDEO) appeared first on Klan Kosova.
