Në mbrëmjen mes 2 dhe 3 shtatorit, në veri të vendit u shfaqën grafite me përmbajtje të hapur kërcënuese dhe urrejtjeje kundër kryeministrit në detyrë, Albin Kurtit.
Ajo që shkruhej në këto grafite, në shqip përkthehet: “Me të aguar, Albin Kurti do të jetë i vdekur”, transmeton Klankosova.tv.
Lidhur me këtë rast, gazetari korrespodent i “Ora Shtatë”, Urall Boshnjaku tha se grafitet u vendosen pranë konvikteve të fakultetit filozofik dhe pranë një shkolle fillore.
Sipas Boshnjaku, autorët nuk janë identifikuar ende.
Ndryshe, rastin për Klankosova.tv e pati konfirmuar edhe zëvendësdrejtor i Policisë së Kosovës në veri të vendit, Veton Elshani.
“Pas konsultimit me prokurorin kujdestar, është iniciuar rast “kanosje”. Shkrimi i njëjtë me pamje grafike ishte vendosur më herët në rrjetin social Telegram”, pati thënë Elshani.
Ndërsa gazetari Boshnjaku, bëri të ditur se grafitet janë fshirë.
The post Fshihen grafitet kërcënuese ndaj Kurtit në veri të vendit (VIDEO) appeared first on Klan Kosova.