Erling Haland me realizimin e tij në minutën e 12-të, ka rezultuar të jetë vendimtar për 3 pikët e Manchester Cityt në udhëtim te Tottenham.
Pavarësisht një iniciative të theksuar të vendasëve, Spurs nuk arritën të nxjerrin rezulat të favorshëm nga ballafaqimi i sotëm.
Fitore ka shënuar edhe ekipi tjetër nga qyteti i Manchesterit.
United e mundi me vështirësi Ipswichin, pasi pjesën dërmuese të ndeshjes e kaloi pa një lojtar, duke qenë se Patrick Dorgu u ndëshkua me karton të kuq, pas një ndërhyrje të ashpër, njofton Klankosova.tv.
“Djajtë e Kuq” e përmbysën kundërshtarin, që qysh në minutën e 4 kaloi në epërsi, pas një gafe të portierit vendas, Andre Onana, që i mundësoi Jaden Philogenes të shënojë.
Sam Morsy, e më pas Matthijs De Ligt, e kthyen në favor të mvendasëve rezultatin, por i njejti lojtar i Ipswich Town që e hapi serinë e golave, shënoi përsëri, për të shkuar skuadrat në pushim me nga dy tundje rrjetash.
Me të nisur fraksioni i dytë, Harry Maguire i ndezi tifozët në “Old Trafford”, duke rikhyer avantazhin, e që do të rezultonte edhe goli i fitores.
City është rikthyer në vendin e katërt me 47 pikë, kurse United qëndron ende shumë poshtë, raporton Klankosova.tv.
Me nga 33 pikë, United e Tottenham ndajnë pozitat 12 dhe 13, ndërsa Ipsich i 18-ti me veç 17 pikë.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
