FC Heidenheim 1846 ka konfirmuar zyrtarisht transferimin e mbrojtësit kosovar, Leart Paçarada, i cili vjen nga radhët e FC Köln.
Paçarada ka vendosur të ndryshojë ambientin, por jo edhe kampionatin, duke vazhduar të luajë në Bundesligë. Transferimi i tij u finalizua gjatë ditës së sotme (e enjte), dhe lajmi u bë i ditur nga faqet zyrtare të klubit gjerman.
“1. FC Heidenheim 1846 ka nënshkruar me mbrojtësin e majtë Leart Paçarada nga rivalët e Bundesligës 1. FC Köln”, thuhet në njoftim.
“Reprezentuesi 30-vjeçar i Kosovës nënshkroi një kontratë me FCH të enjten deri në verën e vitit 2027”, shton klubi.
Sinjali – aty ku e vërteta flet para lajmit!