Në një konferencë për media lidhur me vrasjen e Charlie Kirk në Utah, zyrtarët thanë se hetimi ka bërë “disa përparime”, përfshirë gjurmimin e lëvizjeve të të dyshuarit.
Komisioneri i Departamentit të Sigurisë Publike të Utah, Beau Mason, tha se i dyshuari mbërriti në kampus në orën 11:52 sipas kohës lokale dhe u panë lëvizjet e tij përmes shkallëve deri në çati dhe përgjatë çatisë drejt vendit të të shtënave.
Mason deklaroi: “Pas të shtënave, hetuesit kanë gjurmuar lëvizjet e të dyshuarit nëpër ndërtesë, ku ai u hodh nga çatia dhe iku nga kampusi në një lagje.”
Ai shtoi se kanë pamje të mira të këtij individi, por këto nuk do të publikohen për publikun tani. Nëse hetimi nuk rezulton me sukses, Mason tha se do të kontaktojnë sërish median. Po ashtu, tha se ka folur me gruan e Charlie Kirkut, Erika: “Familja e tij është e shkatërruar.”
Agjenti Special i FBI-së, Robert Bohls, tha se mëngjesin e sotëm është gjetur “arma që besojmë se u përdor në të shtënat e djeshme” — një pushkë me fuqi të lartë — në një zonë të pyllëzuar, aty ku ata besojnë se autori iku.
Hetuesit po analizojnë gjithashtu prova të tjera, përfshirë këpucë, gjurmë, një gjurmë pëllëmbë dhe gjurmë parakrahu. Bohls “falënderoi komunitetin” për mbi 130 informacionet që FBI ka marrë deri më tani. Ai tha se për momentin nuk besojnë se komuniteti është në rrezik, shkruan Reuters.
Sinjali – aty ku e vërteta flet para lajmit!