Banorët e Malishevës po përballen me ndërprerje të shpeshta të energjisë elektrike, ndërsa faturat e tyre vetëm rriten.
Qerim Kryeziu nga fshati Bubavec thotë se prej muajsh energjia elektrike është e pakontrolluar, ndërsa çmimet vazhdojnë të fryhen, njofton Klankosova.tv.
“S’ka drejtësi! Rryma na ndalet në mëngjes dhe nuk vjen deri në ora 6 të mbrëmjes. Kjo ndodh çdo 15 ditë, njëherë ka, njëherë s’ka! Por fatura ime vetëm rritet, nuk zbret asnjëherë”, thotë ai i revoltuar, në intervistë me gazetaren Blerina Doshlaku, për emisionin “Fol me Arin” në Klan Kosova FM.
Ai akuzon KEDS-in për manipulime me matësit e energjisë dhe plaçkitje të konsumatorëve.
“KEDS-i është një kompani kriminale që po e vjedh qytetarin. Nuk ka konsumator që nuk është plaçkitur. Paratë që i ndau Qeveria për ndihmë për fëmijët dhe të moshuarit, KEDS-i po i merr përmes faturave të fryra”, theksoi Kryeziu, transmeton Klankosova.tv.
Ndiqni intervisten e plotë, në videon e mëposhtme:
The post “Faturat vetëm rriten, por rrymë nuk kemi” – banori i Bubavecit akuzon KEDS-in për plaçkitje (VIDEO) appeared first on Klan Kosova.
