22:13 / E Martë, 06 Maj 2025 / Gj. Sh
Interi e mbylli pjesën e parë me epërsinë e dy golave në duelin e kthimit ndaj Barcelonës, të vlefshëm për gjysmëfinalen e Champions-it.
Në fundin e fragmentit të parë të sfidës, zikaltërit fituan një 11-metërsh, pas ndërhyrjes së Kubarsit ndaj Lautaro Martinez, vendim ky që u kontestua nga katalanasit.
Por sipas ish-gjyqtarit Iturralde Gonzalez, i cili tashmë bën moviolistin për SER dhe AS, penalltia qëndron.
“Është një penallti shumë e vështirë për t’u parë në fushë. Duke pasur parasysh drejtimin që po shkon topi, duket se është Kubarsi ai që e largon topin, por në gjuajtjen e fundit, mund të shihni që Lautaro e vendos këmbën midis topit dhe Kubarsít, dhe në vend që ta largojë, Kubarsi e rrëzon Lautaron.
Është një penallti dhe ajo që nuk e kuptoj është pse Kubarsi nuk ndëshkohet”, deklaron ish-gjyqtari Gonzalez.
