Eric Trump, djali i presidentit të Shteteve të Bashkuara, Donald Trump, ka vlerësuar rolin e Kinës si një lojtar thelbësor në tregun global të kriptomonedhave, ndërsa ka përshëndetur përparimin e Shteteve të Bashkuara në këtë fushë nën udhëheqjen e babait të tij.
“Sapo ai (Donald Trump) mori detyrën, ai përqafoi revolucionin digjital sepse e kupton se kjo është e ardhmja e financave. Dhe kështu ne shkuam nga 0 në 100 menjëherë,” deklaroi Eric Trump gjatë një konference për bitcoin të mbajtur në Hong Kong.
Ai theksoi se administrata e Trump ka bërë hapa të mëdhenj në zhvillimin e aseteve digjitale në një periudhë shumë të shkurtër.
“Mendoj se për sa i përket Amerikës, mendoj se kemi bërë më shumë përparim në aspektin e aseteve digjitale në shtatë muajt e fundit nën presidencën e tij sesa ndoshta kemi bërë në dhjetë vitet e mëparshme,” shtoi ai.
Administrata Trump, që nga fillimi i mandatit të ri, ka shtyrë përpara ligje dhe rregullore miqësore ndaj kriptomonedhave, ndërkohë që familja Trump është përfshirë në mënyrë aktive në zgjerimin e bizneseve të tyre të lidhura me industrinë digjitale.
Sinjali – aty ku e vërteta flet para lajmit!