Skuadra e reprezentuesit të Shqipërisë, Ardian Ismajlit, ka arritur ta eliminojë Juventusin nga Kupa e Italisë.
Empoli nuk u tremb aspak nga fituesi aktual i këtij trofeu, duke marrë fillimisht avantazhin në minutën e 24 me anë të Youssef Maleh.
Ky ishte edhe goli i vetëm në pjesën e parë, teksa “Zonja e Vjetër” arriti të rikthehej në lojë, në fraksionin e dytë, njofton Klankosova.tv.
Khephren Thuram barazoi shifrat në minutën e 66-të dhe me rezultat 1-1, përfundoi krejt ndeshja.
Gjysmëfinalisti nga ky ballafaqim, doli nga penaltitë, ku mysafirët ishin më të saktë.
Dusan Vlahoviq dhe Kenan Yildiz, dështuan të realizojnë nga pika e bardhë, kurse te Empoli, nuk gaboi askush, raporton Klankosova.tv.
Ismajli me shokë do ta kërkojnë finalen në dy përballje me Bolognan, kurse në anën tjetër, sfidohen mes vete, Inter dhe Milan.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
