Emily Ratajkowski dukej plot stil dhe pa mundim në një kostum të gjerë, teksa udhëhoqi të famshmit në eventin H&M&180 gjatë Javës së Modës në Londër.
Modelja dhe aktorja 34-vjeçare mori pjesë në shfaqjen “H&M&180: The London Issue” që u mbajt të enjten në 180 The Strand.
Emily dukej mahnitëse për mbrëmjen, e veshur me një xhaketë të zezë të gjatë dhe pantallona të gjera që përputheshin me të.
Asaj iu bashkuan në event Lennon Gallagher me të dashurën e tij Izzy Richmond, si dhe kushërira e Lennon-it, Anais.
Lennon kishte veshur një xhaketë ngjyrë bezhë me jakë të zezë kadifeje, të kombinuar me pantallona të gjëra të zeza dhe një bluzë të bardhë.
Ndërkohë, e dashura e tij Izzy kishte zgjedhur një kombinim ngjyrash të ngjashëm, me një pulovër bezhë të çelur dhe një fund lëkure ngjyrë të kuqe të errët, të shoqëruar me një pallto të madhe ngjyrë kafe.
Në mesin e të pranishmëve të enjten ishte edhe vajza e Noel Gallagher, Anais, e cila kishte veshur një fustan të stilit pardesy me jakë të lartë dhe me viza në supe, që tërhiqte vëmendjen.
