Një shembje masive dheu ka bllokuar një lagje të tërë në fshatin Lubinjë e Epërme, duke lënë banorët të izoluar dhe pa qasje normale në shtëpitë e tyre.
Rruga është bërë plotësisht e pakalueshme prej disa ditësh, ndërsa terreni vazhdon të rrëshqasë, duke shtuar frikën për shembje të tjera dhe rrezik serioz për jetën e qytetarëve.
Banorët thonë se kanë kërkuar ndihmë, por deri më tani nuk ka asnjë reagim konkret nga Komuna e Prizrenit. As makineri, as ekip teknik, as plan ndërhyrjeje – vetëm heshtje.
“Jemi lënë në mëshirë të fatit”, thonë banorët, të cilët po jetojnë mes pasigurie, frike dhe mungese totale të përkrahjes institucionale.
Ky është një tjetër shembull i papërgjegjësisë së pushtetit lokal ndaj zonave rurale – ku reagimi zakonisht vjen vetëm pasi të ndodhë tragjedia.
Pyetja është e thjeshtë:
A duhet të presim viktima që Komuna të zgjohet?
Sinjali – aty ku e vërteta flet para lajmit!
