Një operacion policor në Ferizaj ka çuar në arrestimin e një të mituri, pasi gjatë kontrollit në banesën e tij janë zbuluar sasi të konsiderueshme narkotikësh, armë dhe mjete të tjera që dyshohet se shërbenin për shpërndarje.
Ngjarja ka ndodhur më 23.02.2026, rreth orës 14:30, në rrugën “Hysen Terpez” në Ferizaj.
Sipas informatave që ka siguruar Sinjali, gjatë arrestimit të të miturit L.I., për një rast dhunimi, në banesën e tij ishte hasur substancë e dyshuar narkotike.
Pas daljes në vendngjarje, policia ka kryer kontroll në banesën ku qëndronte i dyshuari, ku në dhomën e gjumit janë gjetur në vende të ndryshme:
– marihuanë
– kokainë
– marihuanë në formë çokollate
– një pistoletë me gaz
– një thikë
– para të gatshme
– peshore digjitale
– letra për mbështjellje të narkotikëve
Në cilësi prove materiale janë sekuestruar:
• 86.7 gram marihuanë
• 4.7 gram kokainë (në tri qese)
• 40.2 gram marihuanë në formë çokollate
• një pistoletë me gaz Kurtulus-Taurus me karikator dhe 6 fishekë
• një peshore digjitale
• 400 euro para cash
• dy telefona (njëri i dëmtuar nga vetë i dyshuari në momentin që ka vërejtur policinë)
• letra për paketim të substancave
Vlera e substancës narkotike vlerësohet rreth 1,500–1,600 euro.
Në lidhje me rastin është njoftuar Prokurori kujdestar i Departamentit për të Mitur në Ferizaj, i cili ka autorizuar intervistimin e të miturit dhe ka nxjerrë aktvendim për ndalim 24-orësh. I dyshuari është intervistuar në prani të avokatit dhe nënës së tij, ndërsa rasti është iniciuar për veprat penale:
– Blerja, posedimi, shpërndarja dhe shitja e paautorizuar e narkotikëve, substancave psikotrope ose analoge
– Mbajtja në pronësi ose kontroll të paautorizuar të armës
Hetimet janë duke vazhduar nga njësitet përkatëse.
Sinjali – aty ku e vërteta flet para lajmit!
