Njëmbëdhjetë klube të ndryshme përfaqësohen në ekipin më të mirë të javës së parë të Ligës së Kampionëve, të përzgjedhur nga Grupi i Vëzhguesve Teknikë të UEFA-s.
Edicioni 2025/26 i Ligës së Kampionëve filloi këtë javë, ku xhiro e parë u zhvilluar gjatë tri ditëve, nga e marta deri tek e enjtja.
Këto tri net të futbollit evropian sjellën emocione të mëdha, ku shumë ndeshje ishin interesante, por pati edhe befasi në rezultate.
Befasi pati edhe te formacioni më i mirë i javës i zgjedhur në Ligën e Kampionëve, ku 11 lojtarët vijnë nga 11 klube të ndryshme.
Në portë është zgjedhur Geronimo Rulli (Marseille), teksa mbrojtja përbëhet nga Marcos Llorente (Atletico Madrid), Derrick Luckassen (Pafos), Virgil Van Dijk (Liverpool) dhe Youssoupha Mbodji (Slavia Praga).
Mesfusha gjithashtu përbëhet nga katër lojtarë: Pedro Bicalho (Qarabag) dhe Hans Vanaken (Club Brugge) në qendër, teksa Francisco Trincao (Sporting Lisbona) dhe Marcus Rashford (Barcelona) nga krahët.
Dyshja e sulmit e zgjedhur në formacionin e javës janë Marcus Thuram (Inter) dhe Harry Kane (Bayern Munich).
Ekipi i Javës, i prezantuar nga Crypto.com, zgjidhet nga Grupi i Vëzhguesve Teknikë të UEFA-s, i cili ka një vëzhgues me përvojë që ndjek çdo ndeshje dhe mbështetet në përzgjedhjet e tij nga njësia e analizës së UEFA-s në Nyon të Zvicrës. /Telegrafi/