Presidenti i Egjiptit tha se marrëveshjet e sotme për Gazën “hapin derën për një epokë të re paqeje dhe sigurie në Lindjen e Mesme”.
Abdel Fattah al Sisi u shpreh pas nënshkrimit të armëpushimit nga presidenti amerikan se “përfundimi i luftës në Gaza duhet të jetë fundi i të gjitha luftërave në rajon”.
Ai deklaroi se vendi i tij do të organizojë një samit për rindërtimin e Gazës ndërsa theksoi se një zgjidhje me dy shtete është “e vetmja mënyrë për të përmbushur aspiratat e popullit palestinez dhe izraelit për t’i dhënë fund konfliktit”.
“Paqen nuk e bëjnë vendet dhe shtetet, por njerëzit që janë të bindur se kundërshtarët e djeshëm janë miqtë e sotëm”, tha Abdel Fattah al Sisi.
Ndërsa al Sisi e prezanton Trumpin në skenë, ai tha: “Do të doja t’i vlerësoja shumë përpjekjet e Presidentit Trump”.
Sinjali – aty ku e vërteta flet para lajmit!