Holanda i është bashkuar Irlandës duke njoftuar se nuk do të marrë pjesë në Festivalin e Këngës Eurovision 2026 nëse Izraeli merr pjesë në këtë ngjarje, duke pasur parasysh shkallën e vuajtjeve në Rripin e Gazës, sipas transmetuesit publik holandez AvroTros.
Një ditë më parë, transmetuesi publik irlandez RTE tha se pjesëmarrja izraelite ishte “e paarsyeshme” duke pasur parasysh “humbjen e tmerrshme të jetës në Gaza”.
AvroTros njoftoi se vendimi për të bojkotuaar garën e vitit 2026, e cila këtë vit u ndoq nga 166 milionë njerëz në televizion, u mor duke marrë parasysh numrin e madh të gazetarëve të vrarë në Gaza, në rast se Izraeli merr pjesë në garë.
Izraeli mohon se po i shënjestron qëllimisht gazetarët në enklavën bregdetare.
Unioni Evropian i Transmetimeve (EBU), i cili organizon eventin, tha të enjten se e kuptonte “shqetësimin” dhe po konsultohej me të gjithë anëtarët e EBU-së.
“Ne po vazhdojmë të angazhohemi me të gjithë anëtarët e EBU-së për të mbledhur pikëpamje se si të merremi me pjesëmarrjen dhe tensionet gjeopolitike që rrethojnë Festivalin e Këngës në Eurovision”, tha drejtori Martin Green në një deklaratë.
Sinjali – aty ku e vërteta flet para lajmit!