Së fundmi është mbajtur Post Big Brother VIP Albania 4, ku të gjithë konkurrentët kanë diskutuar për ngjarjet e dinamikat brenda shtëpisë së famshme.
Ledion Liço në një moment i tha fituesit të këtij edicioni, Gjestit, se duket më dobët.
“Më duket mua por ke humbur pak në peshë”, iu drejtua moderatori i programit.
“Kam humbur se nuk kam pirë më proteinë”, u përgjigj këngëtari pejan.
“Mos pi ato, ato janë pisllëqe. Ai që pinte proteinë do fikte dritat e Big Brother sonte nuk është, kështu që nuk di se çfarë mund të ndodh me ato”, vazhdoi më tej Ledioni.
Kjo është marrë si një thumb për Xum Allushin, i cili ka qenë po ashtu banorë i këtij sezoni.
Xumi nga ana tjetër ka bërë një reagim në rrjete sociale, drejtuar Liços.
Ndiqni më poshtë:
“Unë kam treguar respekt nga i pari tek i fundit.
Nëse doni vëmendje nga unë dhe të përmendi biznesin që familja ime ha bukë ju lumtë.
Të shkelni tek buka e familjes time dhe tek djersa ime nuk ua toleroj.
Proteinat janë supliment ushqimor i provuar shkencërisht, i miratuar dhe certifikuar.
Unë kam derdh djersë, sakrificë dhe mund me arrit këtu ku jam.
Unë nuk di të kem ofenduar as hedhur kunja për asnjë njëri, madje madje kam treguar respekt çdo moment dhe mirënjohje dhe kam dhënë atribute.
Por si dihet, mbase më qëllon edhe mua nusja me lekë në të ardhmen”. /Telegrafi/
