Trajneri Driton Kuka ka konfirmuar se Akil Gjakova e Laura Fazliu fatkeqësisht nuk do ta përfaqësojnë Kosovën në Kampionatin Ballkanik shkaku i disa lëndimeve.
Ai përmes një shkrimi në rrjetin social “Facebook” njoftoi se Kosova do të marrë pjesë me 20 garues në ngjarjen që zhvillohet në Pejë.
Postimi i plotë pa ndërhyrje:
“Për mbramje të mirë e pa politikë!
Nesër e pasnesër në Pejë mbahet Kampionati Ballkanik për të rritur!
Nderin e ekipit të parë do e mbroj Distria pasi Akili e Laura sdo garojnë për shkak të disa lëndimeve të vogla!
Ndërsa gjeneratat e reja të vendit tonë do sfidohen nga garues prej 9 shtete pjesëmarrëse!
Ekipi ynë do marr pjesë me 20 garues.
Garat fillojnë në ora 10.00 në Palestrën Karagaq në Pejë!
Presim lufta të bukura e atraktive ejani të shihni kampionët e mëdhenj por edhe ata që po vijnë në skenë”, shkroi ai.
Kujtojmë, ndeshjet paraeliminare do të nisin me fillim nga ora 10:00, kurse blloku final nga ora 16:00./Telegrafi/