Përvoja e lindjes së parë në 2018-ën, shënoi një kapitull të errët në kujtesën e saj.
Një nënë nga Kosova, V.H, ndan për Kiks Kosovën, me dhimbje dhe emocion përvojat e saj gjatë dy lindjeve në QKUK, Klinikën e Gjinekologjisë, përvoja këto që, sipas saj, lanë pasoja emocionale dhe fizike te vet ajo por edhe te fëmija i saj.
Pas shumë orëve me dhimbje të forta, fëmija i saj i parë, vajza erdhi në jetë, por ajo çka pa V. H e tronditi shumë.
Vajza sipas saj, kishte kokën e nxirë, fytyrën me ngjyrë të murrme, hundën dhe një pjesë të ballit të lënduar.
Por që për këto, asaj iu tha që gjithçka ishte në rregull.
Në muajt pasues, dyshimet e para për zhvillimin e fëmijës së saj, V. H-së iu shfaqën. Diagnostifikimi i gabuar që iu dha nga disa psikologë dhe trajtimet e papërshtatshme vetëm sa e shtuan ankthin për familjen e tyre.
Në fund, ajo mësoi se truri i foshnjës së saj kishte pësuar shkaku i mungesës së oksigjenit në lindje, pasojë kjo e pakujdesisë së mjekëve sipas saj.
Ndonëse sipas V. H, asaj iu tha në spital që vajzën e kishte mirë dhe asnjë problem nuk ekzistonte, megjithatë asaj thotë që iu deshën tri vjet trajtim e kontrolla të vazhdueshme.
4 vjetë pas kësaj historie, V. H solli në jetë fëmijën e dytë në 2022-ën, e kësaj radhe ajo kërkoi kushtimisht që të lind me operacion.
Kjo kërkesë e saj njëherë u injorua, por kërcënimi për të shkuar në klinikë private detyroi stafin që të reagonin.
V. H tregon dhe fjalët e rënda e fyese që thotë të ketë dëgjuar përditë në ato reparte, e të cilat uron që të mos i dëgjoj askush.
Dëmi emocional, sipas saj, qe aq i madh tek të gjitha gratë me të cilat ishte takuar gjatë dy lindjeve të saj, saqë ka patur gra që kanë kërkuar ndihmë edhe nga psikiatri.
The post “E ka pasë kokën krejt zi”, Nëna i akuzon mjekët se ia lënduan foshnjën në lindje (VIDEO) appeared first on Klan Kosova.
