Dy oficerë policie në Bronx të Nju Jorkut janë pezulluar nga detyra pa pagesë pasi dyshohet se kanë kryer marrëdhënie seksuale brenda dhomës së zhveshjes në një stacion policie.
Incidenti dyshohet se ka ndodhur në komisariatin e 46-të dhe thuhet se është regjistruar në video nga njëri prej tyre.
Sipas burimeve policore, videoja është zbuluar nga babai i fëmijës së oficeres, i cili më pas e ka dërguar regjistrimin tek drejtuesit e stacionit policor.
Pas këtij zhvillimi, të dy oficerët, 29-vjeçarë, janë pezulluar më 24 shkurt dhe mund të përballen edhe me largim nga puna.
Ngjarja ka shkaktuar reagime në publik dhe në radhët e policisë. Një ish-oficer i policisë e cilësoi rastin si “sjellje të keqe zyrtare”, duke theksuar se veprime të tilla gjatë orarit të punës dëmtojnë besimin e publikut dhe pengojnë shërbimin ndaj qytetarëve.
Të dhënat tregojnë se njëri nga oficerët ishte pjesë e departamentit që nga viti 2019, ndërsa tjetri nga viti 2023. Hetimet për rastin janë ende në vazhdim.
Sinjali – aty ku e vërteta flet para lajmit!
