Presidenti i Ukrainës, Volodymyr Zelensky, ka përfunduar bisedimet në Londër me udhëheqësit e Mbretërisë së Bashkuar, Gjermanisë dhe Francës.
Fokus i këtij takimi ishte drafti i fundit i planit të paqes, që synon t’i japë fund luftës në Ukrainë.
Keir Starmer u zotua se çdo marrëveshje duhet të përfshijë garanci “të ashpra” sigurie për Ukrainën.
Derisa, Presidenti francez Emmanuel Macron tha se aleatët e Ukrainës kanë “shumë letra” në duar përpara bisedimeve të paqes.
Megjithatë, kancelari gjerman Friedrich Merz shprehu skepticizmin e tij për “disa nga detajet që po shohim në dokumentet që vijnë nga pala amerikane”.
Komentet e Merz vijnë pasi Presidenti Trump akuzoi Zelenskyn se nuk e kishte lexuar propozimin e fundit të diskutuar midis zyrtarëve amerikanë dhe ukrainas gjatë fundjavës – korrespondenti ynë diplomatik James Landale thotë se është pjesë e një modeli të njohur.
Bisedimet brenda Downing Street kanë përfunduar dhe katër udhëheqësit janë fotografuar së bashku jashtë Nr. 10.
Më vonë sot, Zelensky do të udhëtojë për në Bruksel, për t’u takuar me zyrtarët e NATO-s dhe Presidenten e Komisionit Evropian Ursula von der Leyen.
Sinjali – aty ku e vërteta flet para lajmit!
