Një grup i madh yjesh, përfshirë Dua Lipën, Gary Lineker dhe Benedict Cumberbatch, i kanë bërë thirrje kryeministrit britanik Keir Starmer që të pezullojë shitjet e armëve për Izraelin, ndërkohë që konflikti në Gaza vazhdon të shkaktojë viktima dhe shkatërrim.
Më shumë se 300 individë, përfshirë aktorë, muzikantë, aktivistë dhe figura publike të tjera, nënshkruan një letër të hapur drejtuar kryeministrit, duke kërkuar që Mbretëria e Bashkuar të ndërmarrë veprime të menjëhershme për të ndërprerë bashkëfajësinë e saj në vuajtjet e popullatës palestineze.
Në letrën e tyre, ata kërkojnë që qeveria britanike të pezullojë shitjen e armëve për Izraelin dhe të përdorë të gjitha mjetet e disponueshme për të siguruar hyrjen e ndihmës humanitare në Gaza.
Po ashtu, ata kërkojnë që kryeministri Starmer të ndërmjetësojë një “armëpushim të menjëhershëm dhe të përhershëm” dhe të sigurojë mbrojtjen e fëmijëve të Gaza.
Në mesin e nënshkruesve janë figura të njohura si Gary Lineker, i cili së fundmi la rolin e tij si prezantues i programit të futbollit “Match Of The Day” pas një polemike në lidhje me postimet e tij për konfliktin në Gaza.
Po ashtu, aktorët Benedict Cumberbatch dhe Brian Cox, ylli i “Bridgerton”, Nicola Coughlin, këngëtaret Paloma Faith dhe Annie Lennox, si dhe të mbijetuari i Holokaustit, Stephen Kapos, ishin gjithashtu pjesë e nënshkruesve të letrës.
Josie Naughton, themeluese e organizatës bamirëse Choose Love që e organizoi këtë nismë, theksoi se “Fjalët nuk do të shpëtojnë jetën e fëmijëve palestinezë ndërsa ata po vriten, dhe nuk do t’i mbushin barkun e tyre bosh. Ne kemi nevojë për veprime nga Keir Starmer tani. Kjo do të thotë ndalimi i shitjes së armëve, sigurimi që organizatat legjitime humanitare të mund të arrijnë njerëzit në Gaza, dhe të bësh gjithçka që është e mundur për t’i dhënë fund këtyre tmerreve.”
Letra u publikua pas rinovimit të ofensivës ushtarake të Izraelit në Gaza javën e kaluar, ndërkohë që kryeministri izraelit Benjamin Netanyahu bëri thirrje për “fitore totale” ndaj Hamasit.
Ndërkohë, ministrat britanikë kanë dënuar vendimin e Tel Avivit, duke pezulluar bisedimet tregtare me Izraelin dhe sanksionuar kolonët në Bregun Perëndimor, ndërsa vetë Starmer e ka quajtur situatën në Gaza “të patolerueshme” dhe ka paralajmëruar për pasojat e urisë për shkak të mungesës së ndihmës humanitare.
Në përgjigje të kërkesave nga aktivistët, qeveria britanike ka pezulluar disa licenca për shitje armësh në Izrael, por ata kanë kërkuar që të vendoset një ndalim i plotë, përfshirë dhe pjesët e avionëve F-35.
Megjithatë, qeveria ka theksuar se nuk mund të ndalojë eksportet e pjesëve për avionët F-35 pasi Mbretëria e Bashkuar është pjesë e një rrjeti global furnizimi dhe nuk mund të kontrollojë se ku përfundojnë këto pjesë.
Sinjali – aty ku e vërteta flet para lajmit!
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
