Mediat polake raportojnë se një nga dronët rusë që shkelën hapësirën ajrore të Polonisë të mërkurën, ka dëmtuar një shtëpi në Wyryki.
Incidenti ndodhi gjatë sulmeve ruse ndaj Ukrainës, ndërsa ushtria polake njofton se dhjetëra dronë kanë kaluar kufirin ajror.
Fotot e publikuara tregojnë çatinë e shkatërruar dhe pjesë të murit që kanë rënë mbi një veturë të parkuar. Zëvendësshefi i policisë së rajonit konfirmoi incidentin për transmetuesin Polsat, pa raportuar të lënduar.
Kryetari i bashkisë së Qarkut Włodawa, Mariusz Zańko, tha se ende nuk dihet nëse dëmtimi u shkaktua direkt nga droni apo nga mbeturinat e tij, por banorët raportuan një shpërthim.
Sinjali – aty ku e vërteta flet para lajmit!