17:33 / E Premte, 02 Maj 2025 / Gj. Sh
Drenica ka shënuar edhe një fitore tjetër në Ligën e Parë dhe është një hap larg rikthimit në Superligë.
Djelmoshat e Bylbyl Sokolit sot shënuan fitore në udhëtim ndaj Rilindjës, me rezultat 2-3, shkruan IndeksOnline.
Dy gola për Drenicën i shënoi sulmuesi, Kreshnik Uka dhe një tjetër Mohamed Fofana.
Në anën tjetër, Liria u ndal nga Vëllaznimi me barazim 1-1.
Dijar Nikqi shënoi për skuadrën prizrenase, ndërsa Ardian Hoti shënoi golin e barazimit për skuadrën gjakovare.
Kur kanë mbetur edhe dy ndeshje deri në fund të kampionatit, Drenica është lidere në Ligën e Parë – Grupi A, me 52 pikë, pesë më shumë se Liria./IndeksOnline/
