Në Ligën e Parë është lidere e Grupit A.
Por Drenica po del të jetë arrë e fortë edhe për skuadrat e Superligës.
Kjo skuadër e eliminoi Ferizajn nga Kupa e Kosovës në futboll, madje duke luajtur mbi 30 minuta pa një lojtar, pasi Auron Hamiti u ndëshkua me dy kartonë të verdhë, që e pasuan përjashtimin me të kuq, raporton Klankosova.tv.
Se drenicakët e kanë seriozisht ambicien për t’u kualifikuar në gjysmëfinale të këtij kompeticioni, e treguan që në fillim të ndeshjes së sotme.
Ata e tundën rrjetën e kundërshtarit, as vetëm 13 minuta lojë, kur Fofana shënoi për 1-0, e që do të ishte edhe realizimi i vetëm në krejt takimin.
Hera e fundit kur ekipi nga Skënderaj, ishte në mesin e katër më të mirëve në Kupën e Kosovës, ishte viti 2020, njofton Klankosova.tv.
Aso kohe do të eliminohej nga Prishtina, skuadër e cila edhe e fitoi krejt trofeun.
Kryeqytetasit janë sërish opsion për Drenicën që të përballen në gjysmëfinale, pasi nesër ndeshen me Vëllaznimin nga Gjakova.
Dueli tjetër dhe i fundit i 1/4-ës së fianles, është ai ndërmjet Prishtinës së Re dhe Dritës.
Të dyja këto super ballafaqime, transmetohet direkt në kanalet sportive të platformës kryesore shqiptare, Art Motion, me fillim në orën 13:00!
The post Drenica e Ligës së Parë, me një lojtar më pak në fushë eliminon Ferizajn e Superligës appeared first on Klan Kosova.
