Presidenti i Serbisë, Aleksandar Vuçiq, ka nxitur reagime të forta ndërkombëtare pas pjesëmarrjes së tij në paradën ushtarake në Moskë më 9 maj, të organizuar nga Rusia në përvjetorin e fitores ndaj nazizmit. Pjesëmarrja e tij në këtë ngjarje, në një kohë kur Rusia vazhdon agresionin ndaj Ukrainës, ka alarmuar edhe deputetë të Parlamentit të Britanisë së Madhe.
Deputetja britanike, Emma Lewell-Buck, ka bërë të ditur përmes një postimi në platformën “X” se bashkë me 25 deputetë të tjerë kanë dërguar një letër zyrtare tek Sekretari i Jashtëm britanik, David Lammy, duke kërkuar sanksione ndaj Vuçiqit dhe bashkëpunëtorëve të tij.
“26 parlamentarë britanikë, të udhëhequr nga Kryetarja jonë, EmmaLewell, i shkruajnë Sekretarit të Jashtëm DavidLammy duke i kërkuar qeverisë së Mbretërisë së Bashkuar të fillojë sanksione ndaj Presidentit të Serbisë, Aleksandar Vuçiç, dhe bashkëpunëtorëve të tij. Mjaft më”, ka shkruar ajo në “X”.
Në letrën dërguar Sekretarit të Jashtëm britanik, theksohet se Vuçiq, përveç lidhjeve të tij me regjimin e Putinit, ka vepruar në mënyrë të qëllimshme për destabilizimin e rajonit të Ballkanit.
“Për më shumë, presidenti Vuçiq është përpjekur të destabilizojë Kosovën, Bosnje Hercegovinën dhe rajonin e Ballkanit më gjerësisht, duke punuar ngushtë me Rusinë e Putinit”, thuhet në letër.
Tutje, deputetët shprehen të shqetësuar se Serbia, ndonëse vend kandidat për anëtarësim në Bashkimin Evropian, nuk ka vendosur asnjë sanksion ndaj Rusisë.
Në letrën e tyre theksohet se me pjesëmarrjen e Vuçiqit në paradën në Moskë, Serbia ka dëshmuar qartë se nuk ka asnjë interes për shkëputje nga Rusia dhe vazhdon të promovojë ide ultra-nacionaliste dhe të përhapë ideologjinë e Serbisë së Madhe, duke rrezikuar një konflikt të ri të përgjakshëm në rajon.
Sinjali – aty ku e vërteta flet para lajmit!
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
