Demi Moore ka befasuar ndjekësit e saj duke rikthyer balluket për herë të parë që nga filmi i saj i famshëm Striptease i vitit 1996.
Aktorja 62-vjeçare ndau një fotografi në Instagram, ku shfaqej me modelin e ri të flokëve, falë bashkëpunimit me Gucci.
Në përshkrimin e fotografisë, ajo shkroi me humor: “Balluke — herë pas here. Faleminderit @gucci që më lejuat t’i rikthej për herë të parë që nga ditët e Striptease!”, shkruan DailyMail.
Krahas pamjes së re, ajo ndau edhe një fotografi nga filmi për krahasim.
Rikthimi i saj u përshëndet edhe nga Vogue Beauty, e cila e quajti këtë një nga momentet më të mira të Muajit të Modës.
Postimi i Demit mori mijëra pëlqime, me fansa dhe kolegë që e vlerësuan pamjen e saj të re, përfshirë vajzën Tallulah Willis, e cila shkroi: “Shumë mirë! Të duam”.
Demi, e cila dikur ishte aktorja më e paguar në Hollywood me 12.5 milionë dollarë për Striptease, pritet të rikthehet së shpejti në ekran me rolin e Cami Miller në sezonin e dytë të serialit Landman, ku do të ketë një prani më të spikatur pas vdekjes së bashkëshortit të personazhit të saj në finale. /Telegrafi/
