Papa Leoni XIV ka humbur mbështetjen e shumë katolikëve konservatorë pas një deklarate të fortë ndaj politikave të emigracionit të presidentit amerikan, Donald Trump.
Gjatë një deklarate për mediat, Papa Leoni u shpreh:
“Nuk e di nëse mund të quhesh pro-jetë, nëse je kundër abortit por mbështet trajtimin çnjerëzor të emigrantëve.”
Kjo deklaratë ka shkaktuar reagime të menjëhershme nga figura të njohura konservatore, shumë prej të cilëve kishin qenë mbështetës të zëshëm të Papës për qëndrimet e tij tradicionale në çështjet fetare. Siç raporton Reuters, disa e akuzuan Papën për krijimin e “konfuzionit moral”, ndërsa Shtëpia e Bardhë e cilësoi deklaratën si të pasaktë dhe të njëanshme.
Megjithatë, burime nga Vatikani thanë se Papa Leoni XIV nuk pritet të tërhiqet nga qëndrimi i tij, duke theksuar përkushtimin e tij të vazhdueshëm ndaj çështjeve humanitare dhe mbrojtjes së të drejtave të emigrantëve.
Papa Leoni XIV është Papa i parë me origjinë amerikane, i zgjedhur në maj të vitit 2025. Ai fitoi fillimisht simpatinë e të djathtës katolike për përpjekjet për rikthimin e disa traditave liturgjike dhe kishëtare.
Sinjali – aty ku e vërteta flet para lajmit!