Dalin detaje – si u kapën 15 mijë euro në veturën me targa të Bosnjës?

Të enjten në pikëkalimin kufitar të Bërnjakut janë kapur 15 mijë euro të padeklaruara.

Policia ka dhënë detaje rreth kapjes së kësaj shume të parave tek një veturë e cila drejtohej nga një shtetas i Bosnjë e Hercegovinës, transmeton Klankosova.tv

“Me datën 06.03.2025, në pikë kalimin kufitar në Bërnjak, në hyrje të Republikës së Kosovës, Policia Kufitare & Dogana e Kosovës gjatë realizimit të detyrave dhe autorizimeve ligjore kanë ndaluar për kontrolle një automjet të tipit Kia Sportage me targa të Bosnje e Hercegovinës. Gjatë kontrollimit të hollësishëm të përbashkët kufitar, në automjetin të cilin e drejtonte vozitësi shtetas i Bosnje e Hercegovinës, janë hasur 15 000 (pesëmbëdhjetëmijë) Euro para/kartëmonedha të padeklaruara”.

Bëhet e ditur se mjetet financiare të padeklaruara janë sekuestruar dhe do të trajtohen nga Dogana e Kosovës në procedurë të mëtejme doganore, sipas legjislacionit në fuqi.

“Policia e Kosovës, në bashkëpunim dhe koordinim me institucionet e RKS-së, do të vazhdojë me angazhimin e saj për parandalimin e aktiviteteve të paligjshme”, theksohet më tej në një njoftim të policisë, transmeton Klankosova.tv.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.

<!–

–>