Tre ekonomistë kanë fituar Çmimin Nobel në Ekonomi për vitin 2025, për “shpjegimin e rritjes ekonomike të nxitur nga inovacioni”, sipas komitetit të Riksbank.
Akademia Mbretërore Suedeze e Shkencave ka vendosur t’u japë Çmimin Sveriges Riksbank në Shkencat Ekonomike në Kujtim të Alfred Nobel për vitin 2025 Joel Mokyr, Philippe Aghion dhe Peter Howitt.
Bëhet e ditur se Çmimi i ekonomisë njihet zyrtarisht si Çmimi i Bankës së Suedisë në Shkencat Ekonomike në Kujtim të Alfred Nobelit.
Në vitin 1968, Sveriges Riksbank (banka qendrore e Suedisë) themeloi Çmimin Sveriges Riksbank në Shkencat Ekonomike në kujtim të biznesmenit dhe kimistit suedez të shekullit të 19-të, i cili shpiku dinamitin dhe themeloi pesë Çmimet Nobel.
Shuma e çmimit është e njëjtë me atë të Çmimeve Nobel dhe paguhet nga Riksbank.
Çmimi i parë në shkencat ekonomike iu dha Ragnar Frisch dhe Jan Tinbergen në vitin 1969.
Që atëherë, është dhënë 56 herë për një total prej 96 laureatësh.
Ndryshe, vetëm tre nga fituesit para shpalljes së çmimit të hënën ishin gra. /Telegrafi/