Zyrtarja e lartë e PDK-së, Vlora Çitaku ka thënë se nëse do të ketë drejtësi, ish-krerët e UÇK-së, Hashim Thaçi, Kadri Veseli, Jakup Krasniqi dhe Rexhep Selimi do të kthehen faqebardhë dhe të pafajshëm këtë vit.
Megjithëse, ajo në emisionin “DPT te Fidani”, thotë se asnjë deklaratë e tyre nuk do që të iu nxjerri telash atyre në procesin gjyqësor në Hagë, ani pse këtë vit, siç thotë ajo, është viti final i këtij gjykimi, transmeton Klankosova.tv.
“Ne kemi qenë të rezervuar sa herë jemi deklaruar publikisht për ish-krerët e UÇK-së, zotin Hashim Thaçi, zotin Kadri Veseli, Jakup Krasniqi, Rexhep Selimi. Ne nuk do donim asnjëherë që përmes deklarimeve tona publike, edhe në qoftë se ato bëhen me dashamirësinë më të madhe, të shkaktojmë ndonjë telashe ne proces”, tha Çitaku.
“Gjithsesi ky vit është viti i fundit, kemi hyrë në finale të procesit në Hagë, është viti kur do të përmbyllet çdo gjë dhe bazuar nga gjithçfarë kemi parë, dhe nga ajo që është vënë në dispozicion publik por edhe më tej, nga këshillimet që kemi pasur me avokatët, nëse ka drejtësi, Hashim Thaçi, Kadri Veseli, Jakup Krasniqi, Rexhep Selimi do të kthehen faqebardhë dhe të pafajshëm në Kosovë këtë vit”.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
