Presidenti amerikan, Donald Trump njoftoi të mërkurën se aktivisti konservator Charlie Kirk ka vdekur.
Lajmi për të vjen pasi ai u qëllua gjatë një ngjarje në Utah, përcjell Telegrafi.
“I Madhi, dhe madje Legjendari, Charlie Kirk, ka vdekur”, ka shkruar Trump në Truth Social.
“Askush nuk e kuptoi ose nuk e kishte Zemrën e të Rinjve në Shtetet e Bashkuara të Amerikës më mirë se Charlie”, vazhdoi presidenti. “Ai ishte i dashur dhe i admiruar nga të GJITHË, veçanërisht unë, dhe tani, ai nuk është më me ne. Melania dhe ngushëllimet e mia shkojnë për gruan e tij të bukur Erika dhe familjen. Charlie, të duam!”, ka shkruar më tej Trump.
Kujtojmë se Charlie Kirk është qëlluar në qafë në një aktivitet në Universitetin Utah Valley në Orem.
Sipas mediave, 31-vjeçari konservator i zjarrtë po fliste me studentët kur dikush hapi zjarr në shkollë të mërkurën, sipas zyrtarëve.
Nuk ka asnjë të dyshuar në paraburgim për të shtënat me armë zjarri, tha një burim i zbatimit të ligjit më vonë për CNN, pavarësisht se shkolla tha më parë se policia kishte marrë dikë në paraburgim. /Telegrafi/