Eugen Cakolli nga KDI ka thënë se kryesuesi i seancës Avni Dehari për të dytën herë pas aktgjykimit të Gjykatës Kushtetuese e ka mbyllur seancën në mënyrë arbitrare.
Cakolli shkruan në një postim në Facebook se kjo është jo vetëm shkelje e aktgjykimit të Kushtetueseses por, sipas tij edhe cenim i të drejtës kushtetuese të deputetëve për të votuar, transmeton Klankosova.tv.
“Refuzimi për të kaluar në votim të fshehtë – ndonëse mocionet procedurale nuk lejohen fare – nuk mund të interpretohet njëanshëm si dështim i seancës. Përkundrazi, në mungesë të ndryshimit të procedurës, seanca duhet të vazhdojë me votim të hapur, siç është standardi”.
“Me një qasje të tillë bllokuese, tashmë Kryesuesi, efektivisht po refuzon ta drejtojë seancën”.
“E një situatë e tillë është e sanksionuar qartë me nenin 9 (2) të Rregullores së Kuvendit, që përcakton se kur kryesuesi refuzon ta drejtojë seancën, ai duhet të zëvendësohet nga deputetë të tjerë, sipas kriterit të moshës”, shkruan më tej ai, transmeton Klankosova.tv.
The post Cakolli: Dehari duhet të zëvendësohet – deputetëve iu cenua e drejta për të votuar appeared first on Klan Kosova.
