Bianca Censori, gruaja e Kanye West, ka zbuluar këtë javë linjën e saj të re të modës, e cila pritet të publikohet muajin tjetër nën emrin “Bianca”.
Projekti i 30-vjeçares, sipas burimeve, mund të rivalizojë markën e rrobave formuese SKIMS të Kim Kardashian.
Modelja dhe ish-arkitektja ka qenë e pranishme në botën e modës përmes partneritetit me reperin Kanye West, ndërsa tashmë synon të nisë karrierën e saj të pavarur, shkruan DailyMail.
Burime pranë saj thonë se projekti është një mundësi e gjatëpritshme për të shprehur kreativitetin dhe vizionin e saj artistik, pavarësisht krahasimeve me SKIMS, e cila vlerësohet me 4 miliardë dollarë (rreth 3.72 miliardë euro).
Linja e Biancas pritet të ketë një qasje më të fortë dhe artistike, jo domosdoshmërisht e përshtatshme për rrjetet tradicionale si Nordstrom.
Fillimi i kësaj linje vjen pasi Censori ka fituar përvojë në markën Yeezy dhe ka përdorur lidhjet e saj me botën e modës për të nxjerrë në pah talentin dhe kreativitetin personal.
Sidoqoftë, burime të brendshme ngrenë shqetësime se reputacioni i Kanye West mund të ndikojë në pranimin e markës së re në disa kompani, megjithatë nisja e linjës duket e pashmangshme dhe shumë e menduar.
Projekti i Censorit ka të ngjarë të jetë një hap i madh për të treguar stilin dhe pavarësinë e saj në botën e modës. /Telegrafi/
