Teksa Amerika dhe bota shënojnë përvjetorin e 24-t të sulmeve terroriste të 11 shtatorit, presidenti i Shqipërisë, Bajram Begaj, ka rikonfirmuar solidaritetin e vendit të tij me Shtetet e Bashkuara.
“Sot, me dhimbje të thellë, përkujtojmë viktimat e sulmeve terroriste të 11 shtatorit 2001 mbi qytetin e New Yorkut. Shqipëria riafirmon qëndrimin e saj të vendosur kundër çdo forme terrorizmi dhe dhune, kudo në botë, dhe shpreh solidaritetin e saj të plotë me familjet e viktimave, popullin dhe institucionet e Shteteve të Bashkuara.”, shkroi Begaj në rrjetet sociale.
Ai theksoi se Shqipëria do të qëndrojë gjithmonë pranë SHBA-së si partner strategjik dhe aleat i besueshëm në mbrojtje të paqes dhe sigurisë ndërkombëtare.
Sinjali – aty ku e vërteta flet para lajmit!