Barcelona ka shkruar histori në La Liga më 14 shtator 2025, duke shkatërruar Valencian me rezultatin 6-0 në “Estadi Johan Cruyff”. Për herë të parë në historinë e kampionatit spanjoll, dy lojtarë të aktivizuar nga stoli shënuan nga dy gola secili në të njëjtën ndeshje.
Protagonistët ishin Raphinha dhe Robert Lewandowski, të cilët pasi u futën në lojë nga trajneri Hansi Flick, gjetën secili dopietën. Ndërkohë, Fermin Lopez kompletoi spektaklin me dy golat e tij si titullar.
Raphinha shënoi dy herë në momente kyçe ndërsa Lewandowski vulosi fitoren me dy goditjet e tij të sakta në minutat e fundit.
Ky rekord i paprecedent jo vetëm që shënon një faqe të re në historinë e La Liga-s, por është gjithashtu një fenomen shumë i rrallë edhe në futbollin botëror.
Nëse shënimi nga lojtarët e stolit ndodh shpesh, fakti që dy zëvendësues arrijnë të shënojnë dopietë në të njëjtën ndeshje është një tregues i forcës dhe fleksibilitetit të jashtëzakonshëm që zotëron skuadra katalanase.
Barcelona këtë sezon ka shkuar në kuotën e 10 pikëve, dy më pak se lideri aktual Real Madrid./Telegrafi/